ശിൽപ ശശിധരൻ, Madathilazhikathu Joby George
സ്റ്റോക്ക് മാര്ക്കറ്റില് ട്രേഡിംഗാണോ ലോംഗ് ടേം ഇന്വസ്റ്റ്മെന്റാണോ നല്ലത് എന്ന ചോദ്യത്തിന് സ്റ്റോക്ക് മാര്ക്കറ്റിനോളം പഴക്കമുണ്ട്. ഇന്ത്യയിലെ ലീഡിംഗ് ബ്രോക്കറേജ് ഹൗസായ സെരോദയുടെ ഫൗണ്ടറും CEO യുമായ നിതിന് കാമത്ത് ഈയ്യിടെ ഒരു പ്രസ്താവന നടത്തുകയുണ്ടായി. സ്റ്റോക്ക് മാര്ക്കറ്റില് ആക്ടീവായി ട്രേഡ് ചെയ്യുന്നവരില് fd return നെ മറികടന്നുള്ള റിട്ടേണുണ്ടാക്കുന്നത് 1% ത്തില് താഴെയുള്ളവര് മാത്രമാണ്.
ആ ഒരു ശതമാനത്തില് ഉള്പ്പെടുമെന്ന് നമുക്ക് ഉറപ്പിച്ച് പറയാന് കഴിയുന്ന അപൂര്വ്വം ട്രേഡര്മാരില് ഒരാളാണ് ഇന്ത്യയിലെ ലീഡിംഗ് ഓപ്ഷന് സെല്ലര്മാരിലൊരാളായ പി ആര് സുന്ദര്. ട്രേഡിംഗ് വലിയ ക്യാപിറ്റല് ഇറക്കി നടത്തേണ്ട ബിസിനസ് ആണെന്നും ജീവിതത്തിന്റെ ആദ്യ പകുതി ആ ക്യാപ്പിറ്റലുണ്ടാക്കാന് പുറത്ത് കഠിനമായി അദ്ധ്വാനിക്കണമെന്നും രണ്ടാം പകുതിയില് ആ പണം നമുക്ക് വേണ്ടി അദ്ധാനിക്കുമെന്നും പി ആര് സുന്ദര് തന്റെ ജീവിതം തന്നെ ഉദാഹരണമായി ചൂണ്ടിക്കാണിച്ച് സാക്ഷ്യപ്പെടുത്തുന്നു.
മാര്ക്കറ്റ് എല്ലാ കാലത്തും അവിടെ തന്നെയുണ്ടാകുമെന്നും ചെറിയ ക്യാപിറ്റലുമായി ട്രേഡിംഗ് മേഖലയില് എടുത്ത് ചാടി മാര്ക്കറ്റില് നിന്ന് എന്നെന്നേക്കുമായി വലിച്ചെറിയപ്പെടുന്ന അവസ്ഥയുണ്ടാകരുതെന്നും അദ്ദേഹം പുതിയ തലമുറയെ ഉപദേശിക്കുന്നു. 2008 ല് ലോകത്താകമാനം സ്റ്റോക്ക് മാര്ക്കറ്റ് വന് തകര്ച്ച നേരിട്ടപ്പോള് തന്റെ ക്യാപിറ്റലിന്റെ 50% നഷ്ടപ്പെട്ടെങ്കിലും അത് പിന്നീട് കൃത്യമായ തയ്യാറെടുപ്പുകളിലൂടെ ട്രേഡിംഗിലേക്ക് ഇറങ്ങിയപ്പോള് തിരിച്ചു പിടിക്കാന് സാധിച്ചെന്ന് പി ആര് സുന്ദര് പറയുന്നു.തന്റെ തിരിച്ചടികളില് നിന്നും ഫ്യൂച്ചറുകള്ക്ക് ഫ്യൂച്ചറില്ലെന്നും ഓപ്ഷന് ധാരാളം ഓപ്ഷനുണ്ടെന്ന് മനസിലാക്കാന് കഴിഞ്ഞെന്ന് അദ്ദേഹം ഓര്മിക്കുന്നു.
വന് തുക ഫീസ് വാങ്ങി നടത്തുന്ന പി ആര് സുന്ദറിന്റെ ഓപ്ഷന് സെല്ലിംഗ് വര്ക്ക്ഷോപ്പുകളെ പലരും വിമര്ശിക്കുന്നുണ്ടെങ്കിലും അതിന് കൃത്യമായ ന്യായീകരണങ്ങള് അദ്ദേഹം നിരത്തുന്നുണ്ട്.
ട്രേഡിംഗ് സ്ട്രാറ്റജികള് സിംപിളാണെന്നും ചിലര് അത് കോംപ്ലിക്കേറ്റഡാക്കി ആളുകളെ വട്ടം കറക്കുകയാണെന്ന് അദ്ദേഹം പറയുന്നു.
യുക്തിസഹമായ ഒരു റിട്ടേണ് മാത്രം പ്രതീക്ഷിച്ച് ഒരു ബിസിനസ് എന്ന നിലയില് സമീപിച്ച് കൊണ്ട് സ്റ്റോക്ക് മാര്ക്കറ്റില് F & O മാര്ക്കറ്റില് ഇറങ്ങിയാല് ഒരു ഫുള്ടൈം ട്രേഡര്ക്ക് വിജയം കൈവരിക്കാനാകുമെന്ന് അദ്ദേഹത്തിന്റെ ജീവിതം സാക്ഷ്യപ്പെടുത്തുന്നു.
ഒരു Intraday trader അളക്കുന്നത് മനുഷ്യമനസ്സിനെ തന്നെയാണ്. അല്ലാതെ ഒരു കമ്പനിയുടെ ധനകാര്യ വിഷയങ്ങളെ അല്ല. മാർക്കറ്റ് എന്നാൽ ജനങ്ങൾ ആണ്. Crowd Behaviour ആണ് ഇവിടെ സുപ്രധാനം.
ഒരു സൗന്ദര്യ മത്സരം നടക്കുകയാണെന്ന് കരുതുക. നൂറു കണക്കിന് സ്ത്രീകളുടെ ചിത്രങ്ങൾക്ക് ഇടയിൽ നിന്ന് അഞ്ചു സുന്ദരികളെ വോട്ട് ചെയ്ത് തിരഞ്ഞെടുക്കണം. ഏറ്റവും കൂടുതൽ വോട്ട് ലഭിക്കുന്ന ആദ്യ അഞ്ചു സ്ത്രീകൾക്ക് മാത്രം വോട്ട് ചെയ്യുന്ന വ്യക്തിക്ക് സമ്മാനവും കൊടുക്കുന്നതായിരിക്കും എന്നും കരുതുക. നിങ്ങൾ എങ്ങനെ വോട്ട് ചെയ്യും?
സൗന്ദര്യം വ്യക്തിനിഷ്ടം ആണ്. ഒരാളുടെ സൗന്ദര്യാസ്വാധന നിലവാരം ആയിരിക്കില്ല മറ്റൊരു വ്യക്തിക്ക്. അൽപ്പം ബുദ്ധിപരമായി കളിച്ചാൽ നിങ്ങൾ വ്യക്തിപരമായി സുന്ദരി എന്നു തോന്നുന്ന സ്ത്രീയെ പോലും മാറ്റിനിർത്തി മഹാഭൂരിപക്ഷം എങ്ങനെ വോട്ട് ചെയ്യുന്നുവോ അത്തരത്തിൽ വോട്ട് ചെയ്യാൻ ആകും ശ്രമിക്കുക.
മാർക്കറ്റും അത്തരത്തിൽ തന്നെയാണ്. മഹാഭൂരിപക്ഷം എങ്ങനെ ചിന്തിക്കുന്നു എന്നു മനസ്സിലാക്കുക. മഹാഭൂരിപക്ഷത്തിന്റെ trendline, stoploss, support and resistance എവിടെ എന്ന് predict ചെയ്യുക.Trendline ആണെങ്കിലും Support and Resistance ആണെങ്കിലും ഓരോ വ്യക്തിയും ഓരോ രീതിയിൽ ആകും വരയ്ക്കുക. എന്നാൽ Moving Average, Pivot Points ഇവയെല്ലാം എല്ലാ വ്യക്തികൾക്കും ഒന്ന് തന്നെയാകും.ഇത്തരത്തിൽ വ്യക്തിനിഷ്ടവും വസ്തുനിഷ്ടവും ആയ Indicators/രേഖകൾ എല്ലാം ഒരുമിച്ചു വരുന്ന ചാർട്ടിലെ ഭാഗങ്ങൾ hotspot-കൾ ആണ്.ഈ hotspot-കളിൽ എത്തുമ്പോൾ രൂപപ്പെടുന്ന candlestick pattern-കൾക്ക് ആ നിമിഷം കാളകൾ ആണോ കരടികൾ ആണോ ശക്തർ എന്ന് പറയാൻ കഴിയും.അതിനനുസരിച്ചു ട്രേഡ് ചെയ്യുക.
വളരെ ശക്തമായ ഒരു strategy ആണിത്.ചുരുക്കി പറഞ്ഞാൽ മനുഷ്യ മനസ്സിനെ predict ചെയ്യാൻ കഴിഞ്ഞാൽ Trading-ൽ വിജയിക്കാൻ ആകും.
Value Investing
Trading-നെ കുറിച്ചാണ് ധാരാളം ക്ലാസുകൾ ഉള്ളത്, യൂട്യൂബിൽ ധാരാളം വീഡിയോകൾ ഉള്ളത്, ധാരാളം ബുക്കുകൾ ഉള്ളത്.എന്നിരുന്നാലും Trading-ലൂടെ Billionnaire ആയ ഒരു Retail Trader പോലും ഇല്ല എന്നതാണ് വാസ്തവം.( Warren Buffet, Mohnish Pabrai, Rakesh Jhunjunwala, Peter Lynch തുടങ്ങിയ വന്മരങ്ങൾ Value Investors ആണ് )Jim Simmons-നെ പോലുള്ള Technical Analysis ഭീമന്മാർ പരിപൂർണ്ണമായും Algorithms ആണ് use ചെയ്യുന്നത്. മഹാഭൂരിപക്ഷം Hedgefund-കളും Index Fund-നെ പോലും beat ചെയ്യുന്നില്ല എന്നത് മറ്റൊരു വസ്തുത.
Trading പേപ്പറിൽ മികച്ച ഒരു ആശയം ആണെങ്കിലും പ്രായോഗിക തലത്തിൽ Value Investing-നേക്കാളും മികച്ച രീതിയിൽ നടപ്പാക്കാൻ ബുദ്ധിമുട്ടേറെയുണ്ട്.മനുഷ്യ മനസ്സിനെ അളക്കുന്നതിനേക്കാൾ എളുപ്പമാണ് കമ്പനിയുടെ ലാഭനഷ്ട സാധ്യതകൾ അളക്കുന്നത്.Trading സൃഷ്ടിക്കുന്ന മാനസിക പിരിമുറുക്കങ്ങളും നഷ്ടസാധ്യതകളും കൂടി കണക്കിലെടുത്താൽ Value Investing ഏറെ മുന്നിലാണ്
Value Investing-ന്റെ അപ്പോസ്തോലൻ ആയ Warren Buffet സ്റ്റോക്കുകൾ തിരഞ്ഞെടുക്കുന്നത് എത്തരത്തിൽ ആണ് എന്നത് Interpretations of Financial Statements എന്ന അദ്ദേഹത്തിന്റെ മരുമകളുടെ ഗ്രന്ഥത്തിൽ വ്യക്തമായി പറഞ്ഞിട്ടുമുണ്ട് . Its not rocket science.
Proven Models
Element of Risk
Time Consumption
Objectivity
Charges
Tax Benefits
മുകളിൽ പറഞ്ഞിരിക്കുന്ന കാര്യങ്ങൾ Value Investment-നെ Trading-നേക്കാളും മികച്ച സമ്പത്ത് വർധനവിനുള്ള ഉപാധിയായി മാറ്റുന്നു
കൺഫ്യൂഷൻ തീർക്കണമേ..
ഓഹരി വിപണിയിൽ പുതിയതായി വരുന്നവർക്ക് ഉള്ള ഒരു കൺഫ്യൂഷൻ ആണ് ഇൻവെസ്റ്റ്മെന്റ് ചെയ്യണോ ട്രേഡ് ചെയ്യണോ എന്ന്..
അനുഭവസ്ഥർ പറയും ഇൻവെസ്റ്റ് ചെയ്തു മാർക്കറ്റിൽ നിന്നും പൈസ ഉണ്ടാക്കി ട്രേഡ് ചെയ്യാൻ.. പക്ഷേ പുതിയതായി വരുന്നവർക്ക് ഓപ്ഷൻ, ഫുചർ ട്രെഡേഴ്സ്ന്റെ ലക്ഷങ്ങളുടെ സ്ക്രീൻ ഷോട്ട് കാണുമ്പോൾ കണ്ണ് മഞ്ഞളിക്കും… അങ്ങനെ ചാടി കയറി ഓപ്ഷൻ ചെയ്യാൻ തീരുമാനിക്കുമ്പോൾ തന്നെ നമ്മുക്കു മൈൻഡ് കണ്ട്രോൾ ഇല്ല എന്ന് തെളിയിച്ചു കഴിഞ്ഞു.
ഓപ്ഷൻ ട്രെഡിൽ ഏറ്റവും വേണ്ട മൂന്ന് കാര്യങ്ങൾ ആണ് അച്ചടക്കവും മാനസിക നിയന്ത്രണവും പിന്നെ അതിനെ പറ്റിയുള്ള അറിവും… അതിൽ അച്ചടക്കം നമ്മുടെ സ്വഭാവത്തിന്റെ ഭാഗം ആണ്, മാനസിക നിയന്ത്രണം നമ്മൾ തന്നെ വളർത്തിയെടുക്കണം പിന്നെ അറിവ് അത് ധാരാളം ആയി തരാൻ ഇപ്പോൾ ഒരുപാടു പേർ ഉണ്ട്… അതിലൊക്കെ ഉപരി അനുഭവത്തിലൂടെ പഠിച്ചെടുത്തവർ ധാരാളം ഉണ്ട്….
അച്ചടക്കത്തിനു വളരെ വലിയ കാര്യം ഉണ്ട്… നമ്മൾ പൈസ വച്ചു ട്രേഡ് ചെയ്യുന്നത് കൊണ്ട് ഗാംബ്ലിങ് ചെയ്യാൻ പാടില്ല.. കൃത്യമായ ട്രേഡ് കണ്ടെത്തി, സ്റ്റോപ്പ്ലോസ് വച്ചു, കുറഞ്ഞ ലോട്ട് സൈസ് വച്ചു ക്യാപിറ്റൽ സംരക്ഷിച്ചു ട്രേഡ് ചെയ്യുക…
മാനസിക നിയന്ത്രണം.. നിഫ്റ്റി ബാങ്ക് നിഫ്റ്റി ഒക്കെ നമ്മുടെ മുന്നിൽ വിശ്വമിത്രന്റെ തപസ്സു ഇളക്കിയ മെനകയെ പോലെ അഴിഞ്ഞു ആടുമ്പോൾ, നമ്മളുടെ മനസിന്റെ നിയന്ത്രണം കൈ വിടരുത്.. അതിനു സ്വന്തം ആയി ഒരു കൺവിക്ഷൻ ഉണ്ടായിരിക്കണം നമ്മുടെ ട്രേഡനെ പറ്റി…. ഇനി ടിപ്പ് വാങ്ങി ട്രേഡ് ചെയ്യുമ്പോൾ അടുത്ത മെസ്സേജ് വരുന്നത് വരെ ടെൻഷൻ ആണ് കാരണം ആ ട്രേഡ് ലോജിക് നമുക്കു അറിയില്ല..കോൺഫിഡൻസ് കൂട്ടാൻ അറിവ് വർധിപ്പിക്കുക എന്നത് മാത്രം ആണ് പോംവഴി.
അറിവ് : ഒരു സ്ഥലത്തു ഭൂമിക്കടിയിൽ നിധി ഉണ്ട്, അത് കണ്ടു പിടിക്കാൻ ഉള്ള അന്വേഷണത്തിൽ ആണ് നമ്മൾ…
ആദ്യം കണ്ടു മുട്ടിയത് ഒരു സിദ്ധനെ ആയാൾ പറഞ്ഞു ആ സ്ഥലത്തിന്റെ തെക്കു വടക്കേ മൂലയിൽ കിഴക്ക് പടിഞ്ഞാറായി കുഴിച്ചാൽ നിധി കിട്ടും എന്ന്… എല്ലാം മനസിലായി പക്ഷേ എവിടെ എത്ര ആഴത്തിൽ കഴിക്കണം ….. ഒന്നും രണ്ടു തവണ കുഴിച്ചു നോക്കി കുഴിക്കാനുള്ള പൈസ പോയി ഒന്നും കിട്ടിയില്ല, കൂടുതൽ ആഴത്തിലോ കൂടുതൽ സ്ഥലത്തൊക്കെ കുഴിക്കാൻ ഉള്ള പൈസയോ ഇല്ല,ധൈര്യം പോയി തുടങ്ങി…
വീണ്ടും ഉപദേശം അന്വേഷിച്ചു ഇറങ്ങി അടുത്തതായി കണ്ടു മുട്ടിയത് ഒരു എഞ്ചിനീയർ ആണ്… ആളു സാങ്കേതിക വിദഗ്ദ്ധൻ ആണ് അദ്ദേഹം ആധുനിക സാങ്കേതിക വിദ്യയിലൂടെ പെട്ടന്ന് കുഴി എടുക്കാൻ ഉള്ള ഉപകരണങ്ങൾ പറഞ്ഞു കൊടുത്തു… നമ്മൾ പോയി വലിയ വില കൊടുത്തു അവ വാങ്ങി അവിടെ ഇവിടെ ഒക്കെ കുഴിച്ചു പക്ഷേ നിർഭാഗ്യം നിധി കിട്ടിയില്ല… കാരണം അത് എവിടെ ഉപയോഗിക്കണം എന്ന് അറിയില്ല… വീണ്ടും പണം പോയി ധൈര്യം പോയി….
മൂന്നാമതായി നമ്മൾ കണ്ടു മുട്ടിയത് നിധി അന്വേഷിക്കുന്ന മറ്റൊരാളെ ആണ്… ആയാൽ പറഞ്ഞു ഞാൻ പറയുന്നിടത്തു നീ കുഴിക്കുക കിട്ടിയാൽ 30% എനിക്ക് ബാക്കി നിനക്ക്.. നിന്റെ പറമ്പ്, നിന്റെ ആയുധം, നീ കഴിക്കണം, ഞാൻ പറഞ്ഞു തരുകയേ ഉള്ളു … അങ്ങനെ കുഴി തുടങ്ങി… ആകെ വല്ലപ്പോളും കിട്ടിയത് പണ്ട് കിളക്കാതെ കിടന്ന കുറച്ചു കാച്ചിലും കിഴങ്ങും .. അങ്ങനെ ആയാലും പറമ്പ് കുളമാക്കി പോയി…..
നാലാമതായി കണ്ടു മുട്ടിയത് ഭൂമിയുടെ ഘടനയെ പറ്റി നല്ല ബോധം ഉള്ള ആളെ ആണ്, ആൾക്ക് കൃത്യം ആയി കാര്യം മനസിലായി പക്ഷെ അവിടെ വരെ വന്നു കാണിച്ചു തരനോ അത് കുഴിച്ചെടുക്കാനോ ഉള്ള താല്പര്യം ഇല്ല.. അദ്ദേഹം ഭൂമിയുടെ ഘടനെ പറ്റിയും സാധ്യത ഉള്ള മേഖലയെ പറ്റിയും വളരെ സിംപിൾ ആയി പറഞ്ഞു കൊടുത്തു…ചിലവൊ തുച്ഛം പക്ഷേ ഗുണം ആയിട്ടില്ല…
ഇനി ആരു നിധി കണ്ടു പിടിക്കും എന്നല്ലേ??.. അതിനു നമ്മൾ തന്നെ കഷ്ടപ്പെട്ട് തുനിഞ്ഞു ഇറങ്ങണം… നല്ലവണ്ണം കിട്ടിയ അറിവുകൾ ഉപയോഗിക്കുക… ഭൂമിയുടെ ഘടന മനസിലാക്കി ആധുനിക ഉപകരണങ്ങൾ ഉപയോഗിച്ചു ക്ഷമയോടെ ആഴത്തിൽ കുഴിച്ചാൽ നമുക്ക് നിധി കിട്ടും….ക്ഷമ വേണം സമയം എടുക്കും….
ഇതിൽ നമുക്ക് നമ്മളുടെ അവസ്ഥ കാണാൻ പറ്റും ഇനി വീണ്ടും ഇതിനെ ഞാൻ ഓഹരി വിപണിയുമായി താരതമ്യം ചെയ്യുന്നില്ല…
പരിശ്രമം, പരിശീലനം, ക്ഷമ, അച്ചടക്കം, മാനസിക നിയന്ത്രണം എന്നിവ ഉണ്ടേൽ നിങ്ങൾക്കും സാധിക്കും….
എബ്രഹാം ലിംഗൻ പറഞ്ഞ ഒരു മഹത് വചനം ഞാൻ ഇവിടെ ഓർമിപ്പിക്കുന്നു…. എനിക്ക് ഒരു മരം മുറിക്കാൻ 6 മണിക്കൂർ സമയം ഉണ്ടെകിൽ അതിൽ 4 മണിക്കൂർ ഞാൻ എന്റെ മഴു മൂർച്ച കൂട്ടാൻ ഉപയോഗിക്കും…
അകറ്റി നിർത്തേണ്ട കാര്യങ്ങൾ ഭയം/പേടി, ദേഷ്യം/വൈരാഗ്യം , ആർത്തി/ആക്രാന്തം, അസൂയ/ കുശുമ്പ്, അമിതവിശ്വാസം (ഓവർ കോൺഫിഡൻസ് )
